"OPEN DOOR DAY" -Т УРЬЖ БАЙНА.

"OPEN DOOR DAY" маань номын сангийн 6 давхарт өртөөчилсөн хэлбэрээр 12 дугаар сарын 11-ний өдөр 12 цагаас 17 цагийн хооронд зохион байгуулагдах тул та бүхнийг хүрэлцэн ирэхийг урьж байна.

Эхний өртөө: "Номын солилцоо"

Энэ өртөөнд та өөрийн дуртай номоо бусадтай солилцож, шинэ, сонирхолтой номтой болох боломжтой. (Гол нь солих номтойгоо ирэхээ мартаж болохгүй шүү!)

Хоёр дахь өртөө: "Нано зургийн үзэсгэлэн"

Нано шинжлэх ухаан, инженерчлэлийн хөтөлбөрийн оюутнуудын бүтээл, судалгааны зургийг үзэж, шинжлэх ухааны сонирхолтой ертөнцөөр хамтдаа аялцгаая.

Гурав дахь өртөө: "Бакери"

Энд Нано шинжлэх ухаан, инженерчлэлийн хөтөлбөрийн оюутан өөрийн гараар хийсэн, хаанаас ч олдохгүй амттай аяган бялууг худалдаалах болно. Та заавал ирж амтлаарай!

Дөрөв дэх өртөө: "Нано-Лаборатори"

Манай хөтөлбөрийн оюутнуудын хайртай, олон жил ашиглагдаж буй 614 тоот лабораториор зочилж, бидний хийж буй сонирхолтой туршилт, судалгааны ажлуудтай танилцаарай.

Тав дахь өртөө: "Мэмэ"

Энэхүү өртөөндНано шинжлэх ухаан, инженерчлэлийн хөтөлбөрийн оюутнууд өөрсдийн мэргэжилтэй холбоотой хөгжилтэй зураг, бичвэрүүдийг бүтээж дэлгэн харуулах болно. Та бүхэн эдгээр мэмэ бүтээлүүдтэй танилцаж, таалагдсан бүтээлд саналаа өгөөрэй. Хамгийн өндөр оноо цуглуулсан оюутан ялагч болно!

Зургаа дахь өртөө: "Мэдээллийн самбар"

Нано технологийн тухай сонирхолтой асуултуудыг танд тавьж, зөв хариулсан тохиолдолд тусгай тамга дарж өгөх болно. Энэ өртөөнд оролцсоноор та нано ертөнцийн тухай мэдлэгээ сорихын зэрэгцээ шинэ сонин зүйлсийг мэдэж авах боломжтой.